BAYDHABO,(insidesomalia.org)- Guddoomiyaha Gobolka Bay ayaa dhaliilay iscasilaadii qaar ka mid ah xubnihiin maamulada Gobolka Bay isla markaana ay tahay mid Sharci daro ah.

Gudoomiya Gobolka Bay Cabdifitaax Max'ed Ibraahi (Geeseey) oo xalay u waramayay Idaaacadaha Muqdisho ayaa waxaa uu sheegay in xubnihii dhawaan iska casilay xilkii ay ka hayeen Maamulka Degmooyinka Gobolka Bay ay yihiin  kuwo aan xil qaadi Karin, isla markaana isaga tagay xilkii loo dhiibay iyagoo aan sameeyn wax xil wareejin ah.

Geeseey ayaa intaa raaciyay in Degmooyinka Gobolka Bay loo sameeyn doono Maamulo cusub, isla markaana kuwa is casilay aan mar danbe la aamini doonin, mana jiraan cid ka aqbashay xil wareejintooda, waana lala xisaabtami doonaa ayuu intaa ku sii daray.

Hadalka Godoomiyaha Gobolka Bay Mr Geesey ayaa waxaa uu ku soo beegmayaa xili dhawaan qaar kamid ah Maamulada Degmooyinka Gobolka Bay ay iska casileen xilkii ay ka hayeen Degmooyinkaasi sababo kala duwan oo ay sheegeen.

Beryahan dabe ayaa waxaa soo badaneysa in ay iskasilaan Masuuliyeen xil loo dhiibey oo kala tirsan maamul goboleeydyo dalka ku yaala iyo weliba Masuuliyiin kale oo katirsan dowlada Federalka KMG ah ee Soomaaliya.

Mas,uuliyiinta is casilaeysa aya waxaa loo aneynayaa inta badan amaandarida iyo dagaalaa kajira wadan iyo wada shaqeyn la,aan lasheego in ay kajirto Mas,uuliyiinta dhaxdooda.